Хэл, соёлыг нь сайн мэдэхгүй гаднын улс таныг асуудал, бэрхшээл, сорилтоор угтдаг. Хэрэв та гадаадад ажиллаж, амьдрахаар явах гэж байгаа бол тухайн очих газрынхаа аж амьдрал, асуудал, бэрхшээлийн талаар сайн судлах хэрэгтэй.
Ирланд улсыг зорин ирж байгаа Монголчуудад тулгарах хамгийн эхний бэрхшээл бол хэд хэдэн бичиг баримтыг цаг алдалгүйгээр олж авах явдал байдаг. Эдгээр бичиг баримтын талаар ойлголт муу, мөн хэлний бэрхшээл, өөр бусад шалтгаанаас болж цаг их алдах тохиолдол мэр сэр ажиглагддаг. Ерөнхийдөө Ирланд улсад бичиг баримтын ажил ихээхэн удаан явцтай. Монголд банканд данс нээлгэх үед хэдхэн минутыг л зарцуулах байх. Харин Ирландад хэдэн долоо хоног, бүр хоёр сар орчим хугацаагаар үргэлжлэх магадлалтай. Оюутны визээр буюу удаан хугацаанд байх төлөвлөгөөтэй хүмүүс Ирландад ирээд Оршин суух эрхийн бичгээ сунгуулах, банкны данс нээлгэх, PPS дугаар захиалж авах шаардлагатай болно. Дээрх бичиг баримтгүйгээр ажилд орох боломж тун хомс. Тэгэхээр өртөг өндөртэй энэ улсын амьдралд хурдан дасаж, ажил, амьдралтайгаа түргэн залгахыг хүсэж байгаа бол эртнээс бэлтгэлээ сайн базаах хэрэгтэй гэж зөвлөмөөр байна. Зарим тохиолдолд 2- оос дээш сар хүлээгддэг дээрх бичиг баримтыг авах гэж ЯАРААРАЙ. Яаж, хэрхэн захиалах талаар энэхүү бичлэгээс илүү тодорхой үзнэ үү.
БИЧЛЭГ ДЭЭР ЯРИГДАЖ БАЙГАА ЖОЛООНЫ КУРСТ СУУХ ӨРГӨДЛИЙН МАЯГТЫГ ЭНДЭЭС ТАТАЖ АВНА УУ
