Бүхий л дасгал, хөдөлгөөн өөхийг шатаахад тодорхой хэмжээгээр нөлөөлдөг. Гэхдээ өөх шатаалтад илүү үр дүнтэй хөдөлгөөний хэм, хурд гэж бас байдаг. Үүнийг бид зүрхний цохилтынхоо хэмнэлээр тодорхойлж болно. Учир нь зүрх таны хөдөлгөөний хэмнэлд таруулан ажилдаг. Гүйж эхлэх үед зүрх түргэн цохилж эхэлдгийн шалтгаан нь энэ. Өөр нэг чухал зүйл нь дасгал, сургуулилтын хэмнэл хэр идэвхтэй, хурдтай байхаас хамаарч таны бие нүүрс усыг энергийн гол эх үүсвэр болгох уу эсвэл өөхийг түлшээр ашиглах уу гэдгээ шийддэг. Хүний зүрхний цохилт хамгийн дээд түвшнийхээ 60 -70% хувьд ажиллаж байх үед өөх шатаалтын түвшин нэмэгддэг гэж үздэг. Үүнийг “Өөх Шаталтын Бүс- Weight Managment Zone or Fat Burning Zone”, гэж нэрлэдэг. Тэгэхээр зүрхнийхээ хэмнэлийг ийм хэмжээнд барьсан хөдөлгөөн, дасгалыг тогтвортой, удаан хугацаагаар (багадаа 45 минут) хийх нь өөхөө шатаахад илүү үр дүнтэй байж болох юм. Дасгалын төрөл нь алхах, шогших, дугуй унах болон аэробик гэх мэт янз бүр байж болно.

Зүрхний цохилтын хэм дээр тулгуурласан өөх шатаалтын бүсийг хэрхэн олох вэ ?

Хүний зүрхний нэг минутад цохилох дээд хэмжээг 220 (Maximum Heart Rate) гэж үздэг. Үүнээс өөрийнхөө насыг хасна. Энэ нь таны зүрхний нэг минутад цохилох дээд хэмжээ. Хэрэв та өөрийнхөө зүрхний цохилтын дээд хэмжээний 60%- ийг тодорхойлох гэж байгаа бол  0.60, 70% бол 0.70 үржүүлнэ.

35 настай хүний жишээ:

220 -35 =185

 185*0.60=111 bpm(нэг минутад цохилох) энэ хүний зүрхний цохилтын дээд хэмжээний 60% нь 111v bpm юм.

Хэрэв 70% –иар тооцвол:

220 -35 =185

185*0.70=129 bpm(нэг минутад цохилох) Тэгэхээр жишээ дээр гарч буй хүн  зүрхний цохилтоо 111 bpm -129 bpm- ийн хооронд барьсан хөдөлгөөн хийвэл өөх шатаалтад илүү нөлөөлөх магадлалтай.

Аэробик дасгалын Зүрхний Хэмнэлийн 4 Бүс

1. Дундаж аэробик бүс (Moderate Aerobic zone ) Зүрхний цохилтын дээд хэмжээний 50 хувьд хөдөлгөөн хийх. Суугаа ажилтай болон дасгал хийж байгаагүй хүмүүст тохиромжтой
2. Биеийн жинг хянах бүс (Weight Management Zone) Зүрхний цохилтын дээд хэмжээний 60 -70 хувьд хөдөлгөөн хийх. Ийм түвшинд тасралтгүй удаан хөдөлгөөн хийхэд өөх энергийн анхдагч эх үүсвэр болно.
3. Аэробик Фитнес бүс (Aerobic Fitness Zone) Зүрхний цохилтын дээд хэмжээний 70 – 80 хувьд хөдөлгөөн хийх. Зүрхний судасны үйл ажиллагаа, эрүүл мэндэд эерэг нөлөөтэй.
4. Аэробикийн үзүүлэлтийн оргил бүс ( Peak Aerobic Performance Zone) Зүрхний цохилтын дээд хэмжээний 70 – 80 хувьд хөдөлгөөн хийх. Маш сайн бэлтгэгдсэн хүн л энэ бүсэд хүргэж дасгал хийнэ. Энаэробик хөдөлгөөн, дасгалын чанарыг сайжруулах, хурд, хариу үзүүлэх чадавхыг нэмэгдүүлэхэд тусална.